ডিজিটেল সেৱা:২০২৬ চনৰ ৫ মাৰ্চত নেপালত সাধাৰণ নিৰ্বাচন অনুষ্ঠিত হ’ব । ‘Gen Z’গ্ৰুপে এটা ৰাজনৈতিক দল গঠন কৰাৰ কথা ঘোষণা কৰে ।কিন্তু অহা বছৰ দলটোৱে সাধাৰণ নিৰ্বাচনত অংশগ্ৰহণ কৰিব নে নাই সেয়া তৃণমূল পৰ্যায়ৰ চৰ্ত পূৰণৰ ওপৰত নিৰ্ভৰ কৰিব । উল্লেখ্য যে ‘Gen Z’ৰ নেতৃত্বত যোৱা মাহত নেপালত বৃহৎ প্ৰতিবাদ হৈছিল । দুৰ্নীতি আৰু ছ’চিয়েল মিডিয়া চাইটত চৰকাৰী নিষেধাজ্ঞাৰ বিৰুদ্ধে প্ৰতিবাদ সাব্যস্ত কৰা হৈছিল । ফলত কে পি শৰ্মা অলি নেতৃত্বাধীন চৰকাৰখন ভংগ হৈছিল । শেহতীয়া ‘Gen Z’ আন্দোলনৰ অন্যতম নেতা মিৰাজ ধুংগনাৰ নেতৃত্বত এই গ্ৰুপটোৱে সংবাদমেলত নিজৰ ৰণকৌশল উল্লেখ কৰে ।তেওঁলোকে কয় যে যদিও তেওঁলোকে নৱ প্ৰজন্মৰ যুৱক-যুৱতীসকলক একত্ৰিত কৰিবলৈ ৰাজনৈতিক দল গঠন কৰাৰ কথা চিন্তা কৰিছে, তথাপিও তেওঁলোকৰ তৃণমূল পৰ্যায়ৰ দাবীসমূহৰ সমাধান নোহোৱালৈকে তেওঁলোকে নিৰ্বাচনত প্ৰতিদ্বন্দ্বিতা নকৰে । দুটা মূল এজেণ্ডাৰ পোষকতা কৰি আহিছে : প্ৰত্যক্ষভাৱে নিৰ্বাচিত কাৰ্যবাহী ব্যৱস্থা আৰু বিদেশত বাস কৰা নেপালী নাগৰিকৰ ভোটাধিকাৰ ।মিৰাজ ধুংগনাৰ মতে তেওঁৰ গ্ৰুপে সিদ্ধান্ত লৈছে যে ‘Gen Z’ আন্দোলনৰ সৈতে জড়িত যুৱক-যুৱতীসকলক একত্ৰিত কৰিবলৈ ৰাজনৈতিক দল গঠন কৰাটো অতি প্ৰয়োজনীয় । জাতি গঠনৰ কামত সকলো পক্ষৰ পৰা সামূহিক দায়বদ্ধতা আৰু সহযোগিতাৰ আহ্বান জনাই তেওঁ কয়, “আমি সুশাসন প্ৰসাৰ, স্বচ্ছতা আৰু দুৰ্নীতি নিৰীক্ষণৰ দৰে বিষয়ৰ বাবে যুঁজি যাম ।” তেওঁ লগতে কয় যে তেওঁলোকে বৰ্তমান নতুন দলটোৰ বাবে উপযুক্ত নামৰ বাবে পৰামৰ্শ বিচাৰিছে ।