ডিজিটেল সেৱা, নগাঁও: বিশ্ব হেপাটাইটিছ দিৱস উপলক্ষে মঙ্গলবাৰে নগাঁৱৰ ভোগশ্বৰী ফুকননী চিভিল হাস্পতালত এক সজাগতা কাৰ্যসূচী অনুষ্ঠিত হয়। এই উপলক্ষে হাস্পতাল চৌহদৰ পৰা বৰবজাৰলৈকে এক সজাগতা ৰেলী উলিওৱা হয়। ৰেলীত স্বাস্থ্য বিভাগৰ বিষয়া-কৰ্মচাৰী, আইডিএছপি (IDSP) নাৰ্চিং স্কুলৰ শিক্ষক-শিক্ষয়িত্ৰী আৰু জি.এন.এম.ৰ ছাত্ৰীসকলে অংশগ্ৰহণ কৰে।ৰেলীত উপস্থিত থাকে অতিৰিক্ত জিলা আয়ুক্ত (স্বাস্থ্য) কমলজিত শৰ্মা, বি.পি. চিভিল হাস্পতালৰ অধীক্ষক ডাঃ বিদ্যাৱতী হাজৰিকা, উপ-অধীক্ষক ডাঃ এন. জে. বৰা, ডা: মৃদুল কুমাৰ নাথ আৰু এপিডেমিঅ’লজিষ্ট ডাঃ মৃদুল মালাকাৰ।এই বছৰৰ বিশ্ব হেপাটাইটিছ দিৱসৰ মূল প্ৰতিপাদ্য হৈছে “Hepatitis: Let’s Break It Down”। ইয়াৰ মূল লক্ষ্য হৈছে হেপাটাইটিছ সম্পৰ্কে থকা ভ্ৰান্ত ধাৰণা দূৰ কৰা, সময়মতে পৰীক্ষা, চিকিৎসা আৰু প্ৰতিৰোধমূলক ব্যৱস্থাৰ প্ৰতি জনসাধাৰণক সজাগ কৰি তোলা